Атырауда тез тамақтану орны ашылмай жатып дауға ілікті

Фархат ӘБІЛОВ

Атырауда әйгілі "Макдональдс" тез тамақтану орнының құрылысынан қалған қалдықты ауыл маңына төге салған. Олардың бұл ісі жергілікті халықтың наразылығын тудырды, деп хабарлайды Экспресс К.

Атырау қаласы маңындағы Еркінқала ауылының маңайында құрылыс қалдықтарын төгіп тастаған. Қоқыс желмен ұшып, айналаны ластаған. Кейін картон қаптамалардағы жазуларды оқыған тұрғындар қоқыстың "Макдоналдсқа" тиесілі екенін көреді.

"Атырау қалалық полиция бөлімі қоршаған ортаны ластап, белгіленбеген жерге қоқыс төккен тұлғаны анықтап, оған ӘҚБТК 505 (Қалалар мен елдi мекендердiң аумақтарын абаттандыру қағидаларын бұзу) бабымен хаттама толтырылды", — деп хабарлады қалалық полиция бөлімі.

Енді әйгілі тез тамақтану орны 29 170 теңге айыппұл төлейді. Әлеуметтік желіде "Өзге елдің қоршаған ортасын сыйламайсыздар ма?, "Біздің заңға осылай түкірді ме?" деген ашулы пікірлер жазылды.

    Ұсынамыз

    Пиксель для количества просмотров