Ұлты мен дінін сатқан Жангелдиннің атында аудан болуы әруаққа қиянат - депутат

Аян АМАНГЕЛДІҰЛЫ

Әліби Жангелдин / Ахмет Байтұрсынұлы

Мәжіліс депутаты Қазыбек Иса Ахмет Байтұрсынұлының 150 жылдығына орай оның есімін Қостанай облысындағы ауданға беруді ұсынды.

Ол осылай деп депутаттық сауал жолдады, деп хабарлайды Экспресс К.

Алаш көсемдері Ахмет Байтұрсынұлы мен Міржақып Дулатұлының туған ауданының аты әлі күнге дейін қызыл большевик, кезінде ұлты мен дінін сатып, Николай Степнов болған Әліби Жангелдин атында болуы елге де, ерге де және ең алдымен әруаққа қиянат,

— дейді Қазыбек Иса.

Қазыбек Иса / parlam.kzҚазыбек Иса / parlam.kz
Қазыбек Иса / parlam.kz

Оның айтуынша, Жангелдин ауданының тұрғындары атауды өзгерту бойынша президентке ашық хат та жазған.

Айта кетейік, Қостанай облысына кіретін Жангелдин ауданы бар. 1950 жылға дейін Торғай ауданы атанған. Орталығы — Торғай ауылы. 2019 жылғы санақ бойынша 12 251 тұрғын бар.

    Ұсынамыз

    Пиксель для количества просмотров