"Аппақ келін" веб-сериалы желіні жарды

Төрт күннің ішінде видеохикаяны YouTUBE желіде екі миллионнан астам адам тамашалап үлгерген, деп хабарлайды Экспресс К.

Веб-хикая қазақ отбасына келін болып түскен Лия жайлы. Ол Африканың Найроби қаласында туып-өскен. Шетелде білім алған қазақ жігіті Аңсаған африкалық қызға бір көргеннен ғашық болып қалады. Аңсаған көп ұзамай ғашығына үйленеді. Ал қарадомалақ Лияның болашақ енесі сол ауылдың "генерал келіні" деген атақ-абыройға ие. Оның үстіне генерал келін салт-дәстүрді берік ұстанады.

Оқи отырыңыз:

• "Еңіреп жыладым". "Аппақ келін" веб-сериалындағы актриса ең қиын сәттерін айтты
• Қазақ жігіттерінің бағын ашқан өзге ұлттың қыздары кім?

Веб-сериал 12 бөлімнен тұрады. Басты рөлдерді белгілі актриса Данагүл Темірсұлтанова, актер Абай Асылхан, әзілкеш Қанат Әлжаппаров, Фатима Кулибали, Индира Сәбірова, Азат Сейітметов сомдайды.

"Аппақ келін" веб-сериалының алғашқы бөлімін YouTUBE желіден, ал екіншісін Aitube-тен тамашалай аласыздар.