Ақтөбеде сотталғандар Құран оқудан жарысты

Бұл шара Ақтөбе облыстық қылмыстық атқару жүйесі департаментіне қарасты КА-168/1 мекемесінде өтті, деп хабарлайды Экспресс К.

Жарысты облыстық дін істері басқармасы мен "Ихсан орталығы" қоғамдық бірлестігі ұйымдастырды.

Оқи отырыңыз:

• Түрмеде сотталғандармен бірге аста-төк дастархан басында отырған полицейлер кім?
• Құран қазақстандық кәсіпкердің арқасында ғарыштан таратылады.

Сайыстың ережесі бойынша қатысушылар Құран Кәрімді мәнерлеп оқып, ережелерін сақтауы және дұрыс жаттауы керек.

Аталған шарттарды мүдірмей орындағандар жүлделі орындарға ие болды. Олар бағалы сыйлықтармен марапатталды.

Ұйымдастырушылардың айтуынша, бұндай шараның сотталғандарды дерадикалдау және оңалтуда маңызы зор.