Ресей

Ресейде Facebook пен Instagram-ға тыйым салынды

Экспресс К

Видеодан кадр

Ресей соты америкалық Meta компаниясын экстремистік ұйым деп таныды. Шешім Facebook пен Instagram-ға қатысты. Ал WhatsApp мессенджері жұмысын жалғастырады.

Прокуратура өкілдерінің айтуынша, Facebook немесе Instagram-ды қолданған ресейліктер жазаланбайды, деп хабарлайды Экспресс К.

Алайда кейбір заңгерлердің пікірінше, енді осы әлеуметтік желілерде жарнама сатып алатын немесе Meta акцияларын сатушылар түрлі мәселемен бетпе-бет келуі мүмкін.

Бұл туралы Газета.ru жазды.

Бас прокуратура бұл талапты ресейліктердің құқығын одан әрі бұзудан қорғау деп түсіндірді. Мәлімдемеде Instagram-ның Ресейдің Украинадағы арнайы операциялары туралы жалған мәліметтерді жою және рұқсат етілмеген митингілерге шақыру туралы 4,5 мыңнан астам талапты елемегені айтылды.

Сонымен қатар Ресейдің Бас прокуратурасы Meta өз ережелерін бұзып, Ресей әскеріне зәбір көрсеткен жарияланымдарға рұқсат бергенін атап өтті.

    Ұсынамыз

    Пиксель для количества просмотров