Көлік

4 пайыз несиемен берілетін автокөліктерді сәуірдің соңында алуға болады

Бек ТӨЛЕУОВ

© Sebastian GOLLNOW

Үкімет отырысынан кейін Индустрия және инфрақұрылымдық даму министрі Қайырбек Өскенбаев бастапқы жарнасыз несиеге автокөліктің қашан берілетінін айтты.

Ол бұл бағдарлама сәуір айының соңында іске қосылатынын мәлім етті, деп хабарлайды Экспресс К.

Біз өзіміздің автоөндіріске назар аударамыз. Сондықтан қазір бағаны тұрақты ұстау үшін барлық шараларды қолданып жатырмыз. Несиенің мөлшері 10 млн теңгеден аспайды. Бірақ одан қымбат көлік болса, сатып алушы қалған соманы өз қалтасынан қоса алады,

— дейді Қайырбек Өскенбаев.

Министр сәуір айының соңына дейін бағдарламаның іске қосылатынын және бірден баға көтеріліп кететіндей ажиотож болмайтынын айтты.

Әзірге біз қазақстандық көліктердің бағасын жоғары көтеруді жоспарлап отырған жоқпыз. Бірақ баға күн сайын өсіп жатыр. Сондықтан ертең оның қандай болатынын айту қиын. Жалпы, көптеген позицияларда тіпті төмендейтін кез де бар екенін де айта кетейін,

— деді министр.

    Ұсынамыз

    Пиксель для количества просмотров