Жарылғыш зат

Елордада сауда орталығына "мина қойған" адам іздестіріліп жатыр

Экспресс К

©ЭК/Алимжан БАРАНГУЛОВ

29 наурыз түсте астанадағы "Сарыарқа" сауда орталығының жұмыс нөміріне белгісіз ер адам телефон соғып, 8 минуттан кейін жарылыс болатынын айтқан.

Сауда орталығының әкімшілігі дереу полиция шақырған, деп Экспресс К.

Оқиға орнына шұғыл қызметтер аттанды. Тексеріс барысында жарылғыш және өзге де күмәнді заттар табылған жоқ,

— деп мәлімдеді елорданың полиция департаменті.

Сауда орталығының ғимаратынан 350 адам эвакуацияланған.

Қазір бұл фактіге қатысты Қылмыстық кодекстің 273-бабы "Терроризм актiсi туралы көрiнеу жалған хабарлау" бойынша сотқа дейінгі тергеу басталды. Бұл бап бойынша шығынды өтеумен 5 жылға дейін бас бостандығынан айыру жазасы көзделген.

Қазіргі таңда полиция бомба туралы хабарлаған адамды іздестіріп жатыр.

    Ұсынамыз

    Пиксель для количества просмотров