Астанада қатты жел тұрғындарды әбігерге салды

Қосшы мен Нұр-Сұлтан іргесіндегі елді мекен тұрғындары жарықтың сөніп қалғаны туралы айтты, деп хабарлайды Экспресс К.

Екпінді желден қалада электр желілері үзілген.

Қалалық полиция департаментінің мәліметінше, таңғы сағат 08.00-ден бастап елордада 80 жол-көлiк оқиғасы тіркелген. Зардап шеккендер жоқ.

Қаланың жел ұшырған шатырлары мен бүлінген тұстарын тұрғындар әлеуметтік желіде жариялап жатыр.

Күшті желден тұрғын үйдің ауласындағы қоқыс жәшіктері жылжып, тұрақтағы көліктерге соғылған.

Сондай-ақ кейбір үйлердің шатырлары ұшып, есік алдындағы көліктердің үстіне құлаған.