Ауа райы

+35 градус: Қазақстанда күн күрт ысиды

Экспресс К

Pixabay

Сәуірдің бірінші онкүндігінде ауа температурасы жоғарылайды.

Синоптиктердің болжауынша, екінші онкүндіктің ортасынан бастап республиканың барлық аумағында ауа райы құбылмалы болады, деп хабарлайды Экспресс К.

Республиканың батысында түнде +1+9°С-тан +3+12°С-қа, күндіз +7+15°С-тан +15+22°С-қа дейін;

Солтүстігінде, солтүстік-батысында, шығысында түнде -5+3°С-тан 0,+7°С-қа дейін, күндіз +2+10°С-тан +5+13°С-қа дейін;

Орталығында түнде 0,-5°С-тан +2+7°С-қа дейін, күндіз +6+11°С-тан +13+18°С-қа дейін.

Сәуірдің бірінші онкүндігінің ортасында антициклонның әсерімен еліміздің батысында, солтүстік-батысында және солтүстігінде ауа температурасының аздап қысқа мерзімді төмендеуі болады. Ауа температурасы түнде -5+3°С-қа, күндіз +3+10°С-қа дейін төмендейді.

Алайда республиканың оңтүстік және оңтүстік-шығыс өңірлерінде бірінші онкүндік ішінде түнгі ауа температурасы +8+13°С-қа дейін жоғарылауы, ал күндізгі ауа температурасының +15+23°С-тан +20+28°С-қа дейін ауытқуы мүмкін.

"Сәуірдің екінші және үшінші онкүндіктерінде Қазақстан аумағына Иран мен Орта Азия аудандарынан жылы ауа массаларының жиі енуі жүзеге асады, олар температураның жоғары фонын негіздейді: еліміздің солтүстік жартысында күндіз +15+23°С, оңтүстігінде +28+35°С. Бірақ бұған қарамастан, негізінен батыс аймақтарда және елдің солтүстік жартысында атмосфералық фронттардың өтуімен ауа райының тұрақсыз сипаты болжанады. Жауын-шашын (қарға ауысатын жаңбыр) боран, тұман, көктайғақ болуы мүмкін, жел екпіні 28 м/с-қа дейін жетеді. Оңтүстік жартысында жекелеген күндері жауын-шашын күтіледі (негізінен жаңбыр түрінде), таулы және тау бөктерінде ауа температурасы төмендеген кезде қар да болуы мүмкін. Найзағай, бұршақ, шаңды дауыл сияқты құбылыстар сәуір айында жиі кездеседі", — деп болжайды сарапшылар.

Көктемнің ортасында ауа температурасының айтарлықтай төмендеуі болатын суық күндер болуы мүмкін. Республиканың солтүстік, орталық және шығыс өңірлерінде суық ауа массаларының енуі кезінде термометр бағандары түнде 0,-9°С-қа, күндіз +3+8°С-қа дейін, елдің оңтүстік және батыс өңірлерінде түнде -5+7°С-қа, күндіз +10+15°С-қа дейін төмендеуі ықтимал.

    Ұсынамыз

    Пиксель для количества просмотров