Футболдан қыздар ұлттық құрамасының бас бапкері ауысты

Бұл қызметке Айтбай Жамантаев тағайындалды. Бұған дейін бас бапкер қызметін болгариялық Калоян Петков атқарған болатын, деп хабарлайды Оlympic.kz-ке сілтеме жасап Экспресс К.

75 жастағы Айтбай Жамантаев бапкерлікті 1982 жылы бастаған. Ал 1984 жылы "Целинник" (Целиноград) командасымен бірге КСРО чемпионатының 2-лигасының 8-аймағының жеңімпазы атанды.

Оқи отырыңыз:

• Қазақстан құрамасының бас бапкері: Мінез танытып Молдовадан жеңісті жұлып алдық
• Молдованы жеңген қазақ футболшылары қалай қуанды?

Айтбай Жамантаев 2004-2006 және 2017-2018 жылдары қыздар құрамасын басқарған.

Айта кетейік, қыздардың ұлттық құрамасы 8 және 12 сәуірде Словения мен Уэльске қарсы екі матч өткізеді. Бұл кездесу 2023 жылғы әлем чемпионатының іріктеу кезеңі қарсаңында өтеді. Оқу-жаттығу жиыны 4 сәуірде басталады.