Головкин – Мурата айқасы 200-ден астам елде көрсетіледі

9 сәуір күні қазақстандық боксшы Геннадий Головкин (41-1-1, 36 КО) жапондық Риота Муратамен (16-2, 13 КО) жекпе-жек өткізеді.

Кездесу Жапонияның Сайтама қаласында өтеді, деп хабарлайды Экспресс К.

Айқас Жапония, Оңтүстік Корея және Қазақстаннан басқа DAZN платформасындағы әлемнің 200-ден астам елінде тікелей көрсетіледі.

Головкин — Мурата жекпе-жегін Қазақстанның қай телеарнасы көрсететіні әзірге белгісіз.

Сондай-ақ DAZN трансляциясы Сингапур, Малайзия, Таиланд, Индонезия, Гонконг, Макао, Моңғолия және Филиппин елдерінде эксклюзивті болмайды.

Бөлісу