Темір жол

ШҚО-да рельстен шығып кеткен жүк вагондары өзенге батып кетті

Экспресс К

Видеодан кадр

Шығыс Қазақстан облысында жүк тиелген 18 вагон рельстен шығып кетті.

Вагондардың бір бөлігі Ертіс өзеніне құлаған, деп хабарлайды Экспресс К.

"Шығыс Қазақстан облысының Өскемен — Күмістау теміржол учаскесінде жүк пойызының 18 вагоны рельстен шығып кетті. Пойыз сағатына 37 км жылдамдықпен жүрген. Руда тиелген екі вагон Ресей Федерациясының меншігі. Шлак тиелген тағы 16 вагон "КазцинкТемірТранс" ЖШС-не тиесілі", — деді "Қазақстан темір жолы" ұлттық компаниясы" акционерлік қоғамының баспасөз қызметі.

Қазір оқыс оқиғаның себеп-салдары анықталып жатыр. Әзірге белгілісі, зардап шеккен ешкім жоқ.

Болған жағдайдың себеп-салдарын тексеріп-анықтау үшін "ҚТЖ "ҰК"АҚ басшыларынан комиссия құрылды,

— деді "Қазақстан темір жолы "ҰК"АҚ баспасөз қызметі.

Жүк тиелген вагондардың құлаған сәтінен түсірілген видео Instagram-дағы Oo_osa_semey_vko парақшасында жарияланды.

    Ұсынамыз

    Пиксель для количества просмотров