Театр

"Жүрегіңіз жезөкше". Актриса әркімнің отбасын бұзып жүрген әріптестерін айыптады

Абай НҰРЖАНҰЛЫ

Видеодан кадр

Ол өте сұлу бола тұра, отбасылы ер азаматтармен көңіл қосатын әртістерге ренішін білдірді. Актриса ішкі қыжылын өлең жолдары арқылы жеткізіпті.

Бойжеткеннің өкпе-ренішін айтқан видеосы әлеуметтік желіде тарады, деп хабарлайды Экспресс К.

Актриса кино, театр саласында өте көрікті қыздардың көп екенін айтады. Бірақ олар сонша әдемі болғанымен әркімнің отбасын ойрандап жүреді дейді ол.

Менің мамандығым — театр актрисасы. Осы салада әдемі қыздар көп. Оларға қызығамын. Бірақ олардың қаншама отбасыны ажыратып жүргенін көрдім. Кейін оларға налып, мынадай өлең жаздым,

— деп актриса өлеңін оқиды.

Өлең жолдарында ол әріптестерінің көбі екі жүзді дегендей сыңай танытады.

Жүрсіз-ау іздеп демеу,

Сіз десе, жандар көп қой келер дереу

Мен сізді басқаша елестеткем,

Былғанбаңыз,

Жүзіңіз бен жүрегіңіз жезөкшелеу,

— деп аяқтайды өлеңін актриса.

Желі қолданушылары арасында бойжеткеннің өлең жолдарында айтылған сөздерін қолдағандар болды.

"Рас, жеңіл жүрісті қыздардан айырмасы болмай қалды қазір өнер адамдарының", "Біреудің күйеуіне жақындайтын қызды сұр жылан деу керек"

— деп жазды пікір білдірушілер.

Экспресс К жаңалықтарын Aitu-дағы арнамыздан да оқи аласыздар.

    Ұсынамыз

    Пиксель для количества просмотров