Ақтөбе облысында жол апатынан көлік өртеніп жүргізуші көз жұмды

17:59, 08 Сәуір
634

8 сәуір күні Әйтеке би ауданы Қияқты кентінің жанындағы "Самара-Шымкент" бағытындағы тас жолда көлік апаты болды.

Бұл туралы Ақтөбе облысы ПД-нің баспасөз қызметі мәлімдеді, деп хабарлайды Экспресс К.

38 жастағы "Газель" автокөлігінің жүргізушісі қарсы қозғалысқа арналған жолаққа шығып, Өзбекстан Республикасы азаматының басқаруындағы "DAF" жүк автокөлігімен соқтығысты.

Оқи отырыңыз:

Қатты соққы салдарынан "Газель" автокөлігі өртеніп, жүргізуші оқиға орнында көз жұмды. "DAF" жүк көлігінің жүргізушісі Әйтеке би ауданының орталық аудандық ауруханасына жеткізілді,

— делінген хабарламада.

Ақтөбе облысының Полиция департаменті көлік жүргізушілерін жол қозғалысы ережелерін қатаң сақтауға шақырады.

Бөлісу

Ұсынамыз