Жанарбек Әшімжан

Мәжіліс депутаты базардағы бағаны көріп шошыды

Нұржан МЕРГЕНБАЙ

facebook.com/Жанарбек Әшімжан

Мәжіліс депутаты Жанарбек Әшімжан демалыс күндері елорданың базарларын аралап, ондағы бағаларды бағамдап қайтыпты. Сондай-ақ ол саудагерлер мен тұрғындардың пікірін тыңдап шыққан.

Халық қалаулысы базардағы бағаның аспандап кетуіне қарсы еш шара қолдана алмай отырған мемлекеттік органдарды сынға алды, деп хабарлайды Экспресс К

ЕСКЕРТУ: Материалды редакцияның рұқсатынсыз көшіріп басуға тыйым салынады!

Бұл туралы Жанарбек Әшімжан Facebook-тегі жеке парақшасында жазған. Нарықтағы жағдайды көзбен көрген депутат жағасын ұстапты.

Баға удай. Күнделікті тұтынатын ет-сүт, картоп, сәбіз, пияз, көкөніс, күнбағыс майы, макарон бағасы еселеп барады. Наурыз айында баға 13 пайызға өсіп, бұрын-соңды болмаған көрсеткішке жетті,

— дейді ол.

Депутаттың айтуынша, Прези­дент Қасым-Жомарт Тоқаевтың үкі­мет­ке берген әлеуметтік маңызы бар азық-түлік тауарларының бағасын ұстап тұру­ жөніндегі тапсырмасы орындай алмай отыр.

Ауыл шаруашылығы , Сауда және интеграция министрліктері де, Монополияға қарсы күрес агенттігі де, аймақтық әкімдіктер де жағдайдың алдын ала алмай отыр. Министрліктер бір-біріне сілтейді. Үкіметтік ведомстволардың арасында өзара үйлесім жоқ,

— делінген жазбада.

Жанарбек Әшімжан осы салаға жауапты Премьер-министр орынбасары — Сауда және интеграция министрі Бақыт Сұлтановтың мәжіліс депутаттарының нақты сұрақтарына жауап бере алмағанын сынаған. Депутат "Базардағы негізгі азық-түлік тауарларының бағасы инфляция өсімінен де асып кеткен"- дейді. Мамандардың есебінше, күнбағыс майы 36,7 пайызға, қант — 34,8 пайызға, картоп — 21,8 пайызға, жеміс-жидек — 19,9 пайызға, макарон өнімдері — 22,7 пайызға, жұмыртқа 10 пайызға қымбаттаған.

Мәжілістегі "Үкімет сағатында" да, пленарлық жиында да баяндама жасаған Ауыл шаруа­шы­лығы министрі "мұның бәрі уақытша, жағдай реттеледі" дейді. Баға реттеліп болғанша халықтың төзімі таусылып бітетін болды,

— дейді Жанарбек Әшімжан.

Депутат бағаның өсуіне түрткі болған бірқатар мәселелерді де атап өтті. Оның айтуынша, кейбір сарапшылар мұндай жағдайға жанар-жағар майдың қымбаттауы әсер етті деп есептейді екен. Сондай-ақ ауыл шаруашылығы техникасы құнының 20 пайызға, тыңайтқыш бағасының 50 пайызға өсуі де қымбатшылыққа әкеліп отыр.

Экспресс К жаңалықтарын Aitu-дағы арнамыздан да оқи аласыздар.

    Ұсынамыз

    Пиксель для количества просмотров