Тұрғындар ресейлік банктерден ақшаларын жаппай алып жатыр

Қазақстандықтар ел аумағында жұмыс істейтін ресейлік банктерден ақшаларын жаппай шешіп алуда, деп хабарлайды Экспресс К.

Салымшылар соңғы айларда Сбербанк, Альфа-Банк және ВТБ банктерінен 1 триллион 82 миллиард теңге қайтарып алған. Тұрғындар банк белгілеген лимит бойынша күн сайын банкоматтардан ақшаларын кедергісіз шешіп алып, қосымшалар арқылы аударымдар жасай алады. Ал Альфа-Банкте қазір доллар және еуромен ешқандай қаржылық операция жасауға болмайды.

Оқи отырыңыз:

• Елімізде Сбербанк карталарының жұмысы шектеледі
• Ресейді SWIFT жүйесінен ажырату елімізге қалай әсер етеді?

"Бұл банктердегі есеп-шоттардың 4 пайызы ғана жабылды", — деп хабарлады Қаржы нарығын реттеу және дамыту агенттігіндегілер.

ЭК осыған дейін елімізде Сбербанк карталарының жұмысы шектеліп, қолайсыздықтар болатынын хабарлаған еді.