GGG

Жойқын соққысын сол кезде үйренген: Головкиннің жас кезіндегі видеосы жарияланды

Нұржан МЕРГЕНБАЙ

Видеодан кадр

Әлеуметтік желіде қазақстандық кәсіпқой боксшы Генадий Головкиннің 2001 жылғы жаттығулары түсірілген бейнежазба тарады. Сол кездің өзінде GGG-дың юниорлар арасында әлем чемпионы деген атағы бар болатын.

Видеода Головкиннің ұзақ жылдардан кейін брендіне айналатын әйгілі соққысын игеру сәті бейнеленген, деп хабарлайды Экспресс К

©AP/Frank FRANKLIN II / Қазақстандық Геннадий Головкин 2019 жылы 8 маусымда Нью-Йоркте өткен супер орта салмақтағы бокс кешінің төртінші раундында канадалық Стив Роллсты жұдырықтады

Бейнежазба Қарағанды қаласында Әлия Молдағұлова атындағы спорт-интернатта түсірілгенге ұқсайды. Онда Генадий Головкин өзі секілді жас спортшылармен бірге жаттығу өткізуде. Бапкері боксшыға білгенін үйретіп, ақыл-кеңесін беріп жатыр. Жап-жас Головкиннің қимылы ширақ, қозғалысы жылдам. 19 жастағы Гена сол жылы Шығыс-Азия ойындарын жеңіп алған болатын.

Биыл Генадий Головкин 40 жасқа толды. Тоғызыншы сәуірде ол жапондық Риото Муратамен кездесіп, тоғызыншы раундта нокаутпен жеңген еді.

instagram.com/gggboxing

Экспресс К жаңалықтарын Aitu-дағы арнамыздан да оқи аласыздар.

    Ұсынамыз

    Пиксель для количества просмотров