Шоу-бизнес

"Салақ". Қайрат Нұртастың жарының "кір-кір" аяғы жұрттың қызу талқысына түсті

Лаура БИҒАЛИ

Видеодан кадр

Танымал әнші Қайрат Нұртастың жары Жұлдыз Әбдукәрімова тағы ел азына ілікті, деп хабарлайды Экспресс К.  

Бұл жолы оның Қайратпен қарым-қатынасы емес, өз-өзін күтіп ұстауы болды. Видео Instagram-дағы Khabartv парақшасында жарияланды. Бейнежазбада Жұлдыз тележүргізуші ретінде бағдарламаға келген қонақтың шеге тізілген ағаш тақтайшасына жалаң аяқ тұрады. Осы кезде Жұлдыздың әрбір әрекетін қалт жібермей түсіріп тұрған оператор оның аяғын барынша үлкейтіп көрсетеді. Видеода танымал актрисаның аяғының жарылып, қажалғанын көруге болады.

Видеоны көрген желі қолданушылары актрисаны жерден алып, жерге салды. Олар аяғын күтіп ұстамаған Жұлдызды "салақ" деп сынады.

"Аяғының кірін-ай". "Бетін сипалай бермей, аяғын күтпей ме?", "Ойбай қандай кір". "Салақ секілді". "Аяғы кір-кір", "Мынау соның аяғы ма, оның қасында менің аяғым қыздай ғой", "Құдай сақтасын аяғын-ай",

— деп жазды желі оқырмандары.

Бұған дейін актриса әрі тележүргізуші мектеп формасының арзан деген дүкеннің өзінде бағасы шарықтап тұрғанын айтып еді.

Экспресс К жаңалықтарын Aitu-дағы арнамыздан да оқи аласыздар.

    Ұсынамыз

    Пиксель для количества просмотров