Қытайдың солтүстік-батысында Қазақстанмен шекаралас жерде магнитудасы 4 жер сілкінісі болды

Қытайдың Шыңжаң-Ұйғыр автономиялық ауданындағы Куйтун қаласынан оңтүстік-батысқа қарай 51 шақырым аумақта жер  сілкінісі болды, деп хабарлады РҒА Бірыңғай геофизикалық қызметінің Алтай-Саян филиалынан.

Алтай-Саян филиалының жедел өңделген деректеріне қарағанда, мәскеулік уақытпен сағат  04:29-да тіркелген жер сілкінісінің  ошағы Қазақстан шекарасынан шамамен 200 шақырым қашықтықта болған.

Зілзала ошағындағы  сілкіністердің қарқындылығы "өте күшті" , деп бағалануда.

Жер сілкіністері, оның ішінде қатты жер сілкіністері ҚХР-ның Шыңжаң-Ұйғыр автономиялық ауданында, Моңғолияның шекаралас аудандарында, Тувада, Алтай Республикасында және Бурятияның батыс бөлігінде жиі болып тұрады.