Қырғызстан халқы 6,6 млн адамнан асты

Жыл басында Қырғызстан халқының саны 6,6 миллион адамнан асты, деп хабарлады дүйсенбіде республиканың ұлттық статистика комитетінен.

"2021 жылдың басындағы бағалау деректері бойынша Қырғыз Республикасының тұрақты халқының саны 6 млн 637 мың адамды құрады", - делінген ведомство сайтында жарияланған хабарламада.

Ұлттық статистика комитетінің деректері бойынша ел халқының 34%  қалаларда, 66%  ауылды жерде тұрады.

"Қырғызстан халқының жалпы санының үштен бірінен астамы (35%) балалар мен жасөспірімдер, 57% - еңбекке қабілетті жастағы адамдар және 8% - еңбекке қабілетті жастан асқан адамдар ",  делінген хабарламада.

Елде барлығы 100-ден  астам ұлттың өкілі тұрады, олардың ішіндегі ең көбі қырғыздар - 4 млн 896 мың адам (73,8%), өзбектер - 985 мың адам (14,9%) және орыстар-341 мың адам (5,2%), делінген хабарламада.