Қасым-Жомарт Тоқаев Қазақстанның Армениядағы, Швеция мен Бразилиядағы жаңа елшілерін тағайындады
Қазақстан Президенті Қасым-Жомарт Тоқаев Армения, Швеция және Бразилияда елшілер тағайындау туралы жарлыққа қол қойды, деп хабарлады мемлекет басшысының баспасөз қызметі.
"Мемлекет басшысының Жарлықтарымен: Болат Бариұлы Иманбаев Қазақстан Республикасының Армения Республикасындағы Төтенше және Өкілетті елшісі болып тағайындалды, ол Қазақстан Республикасының Малайзиядағы және Бруней-Даруссаламдағы Төтенше және Өкілетті Елшісі қызметін қоса атқарудан босатылды", - делінген Президенттің сайтында жұма күні жарияланған жарлықта.
Мемлекет басшысының Жарлығымен Сергей Нұртаев Қазақстанның Швеция Корольдігіндегі Төтенше және Өкілетті елшісі болып тағайындалды. Осы Жарлықпен Нұртаев Қазақстанның Италиядағы, Мальтадағы және Сан-Маринодағы Елшісі қызметін қоса атқарудан босатылды.
Қазақстанның Бразилиядағы Елшісі қызметіне Болат Тұрарұлы Нүсіпов тағайындалды.
Сондай-ақ, Мемлекет басшысы Армениядағы елші Тимур Оразаев пен Қайрат Саржановты Республиканың Бразилиядағы, Аргентина және Чилидегі қоса атқарушы Елшісі қызметінен босату туралы Жарлыққа қол қойды.
