Қасым-Жомарт Тоқаев Ақмола және Солтүстік Қазақстан облыстарының әкімдерімен телефон арқылы өңірлердегі жағдайды талқылады

Express Qazaqstan
© Sputnik

Қазақстан президенті Қасым-Жомарт Тоқаев телефон арқылы Ақмола және Солтүстік Қазақстан облыстарының әкімдерімен өңірлердегі  жағдайды талқылады, деп хабарлады жұма күні мемлекет басшысының баспасөз хатшысы Берік Уәли.

"Ақмола облысының әкімі Ермек Маржықпаев өңірдің әлеуметтік-экономикалық даму көрсеткіштері,  су тасқынына қарсы қабылданған  іс-шаралар, вакцинация барысы, Аршалы және Целиноград аудандарын табиғи газбен қамтамасыз ету, сондай - ақ Қосшы ауылындағы әлеуметтік және инженерлік-инфрақұрылымдық жағдайды жақсарту бойынша президент берген тапсырманың орындалуы туралы есеп берді",  деп жазды Уәли Фейсбукте.

"Солтүстік Қазақстан облысының әкімі Құмар Ақсақалов санитарлық-эпидемиологиялық жағдай, су тасқынына қарсы іс-шаралар, көктемгі дала жұмыстарына дайындық, "Еңбек" бағдарламасы аясында Солтүстік Қазақстан облысына жұмыс күші артық өңірлерден қоныс аударған азаматтарды тұрғын үймен қамтамасыз ету туралы баяндады",-деп хабарлады баспасөз хатшысы.

Оның айтуынша, әңгіме соңында Тоқаев әкімдерге өңірлердегі санитарлық-эпидемиологиялық ахуалды тұрақтандыруға, көктемгі дала жұмыстарын сапалы жүргізуге және басқа да мәселелерге қатысты бірқатар тапсырмалар берген.

Ұсынамыз

Пиксель для количества просмотров