Ұлттық банк басшысы президентке I тоқсандағы ақша-кредит саясатының іске асырылуы туралы баяндады

Қазақстан президенті  Қасым-Жомарт Тоқаев Ұлттық банк басшысы Ерболат Досаевты қабылдады, деп хабарлады мемлекет басшысының баспасөз қызметінен.

Кездесу барысында Досаев ағымдағы жылдың І тоқсанындағы ақша-кредит саясатын іске асырудың алдын ала қорытындылары туралы есеп берді, сондай-ақ әлемдік экономиканы қалпына келтірудегі  негізгі тәуекелдіктердің бағалануы жайында айтып берді.

Сонымен қатар, ол елдің 2020 жылғы төлем балансы, жалпы халықаралық резервтердің жай-күйі, сондай-ақ алтын портфелін хеджирлеу тәсілдері туралы баяндады.
 
Сондай-ақ, Тоқаевқа Қазақстан азаматтарының зейнетақы жинақтарын мерзімінен бұрын пайдалану тетігін іске асыру және ұлттық төлем жүйесін құру туралы хабарланды, сондай-ақ тұрғын үй саясатын реформалау жөніндегі ұсыныстар айтылды.

Кездесу қорытындысы бойынша мемлекет басшысы оған бірқатар нақты тапсырма берді.