Нұр-Сұлтанда жаяу жүргінші жолында үлкен шұңқыр пайда болды

Express Qazaqstan

Бейнеден кадр

Елордада жаяу жүргінші жолында үлкен ойық пайда болғаны түсірілген видео әлеуметтік желіде тарады. Осыған орай «Астана су арнасы» МКК баспасөз қызметі мән-жайды түсіндірді,- деп хабарлайды Egemen.kz.

Коммуналдық кәсіпорын мәліметінше, кеше сағат 17:08-де Тәуелсіздік пен Қажымұқан Мұңайтпасов көшелерінің қиылысында, жолдың жаяу жүргінші бөлігінде орналасқан диаметрі 800 мм-лік кәріз коллекторында шұңқыр пайда болған.

"Шұңқыр көлік қозғалысына кедергі келтірмейді және таяу маңдағы үйлерді сумен жабдықтау жүйесінен ажырату жоспарланып отырған жоқ. Қазіргі уақытта "Астана су арнасы" кәсіпорнының апаттық бригадасы коллекторды және жолдың жаяу жүргінші бөлігінің жабындысын қалпына келтіру жұмыстарын жүргізіп жатыр. Орын алған уақытша қолайсыздықтар үшін кешірім сұраймыз", деді "Астана су арнасынан".

Ұсынамыз

Пиксель для количества просмотров