COVID-19: Павлодар облысы «қызыл» аймаққа кірді
©ЭК/Андрей ХАЛИН
Қызылорда және Павлодар облыстары коронавирустық инфекцияның таралу қарқыны бойынша "қызыл" аймаққа (жоғары қауіпті) кірді, миллион тұрғыны бар Шымкент қаласы "қызыл" аймақтан "сарыға" оралды, деп хабарлады дүйсенбіде Сovid-19 таратпау жөніндегі ведомствоаралық комиссия (ВАК).
Осылайша, эпидемиологиялық жағдайды бағалау матрицасына сәйкес, "қызыл" аймақта енді он өңір — Нұр-Сұлтан, Алматы, Ақмола, Атырау, Ақтөбе, Батыс Қазақстан, Қарағанды, Қызылорда, Маңғыстау, Павлодар облыстары орналасқан.
"Сары" аймақта (орташа қауіпті): Шымкент қаласы, Алматы, Шығыс Қазақстан, Жамбыл, Қостанай облыстары.
"Жасыл" аймақта (неғұрлым қауіпсіз): Түркістан және Солтүстік Қазақстан облыстары.
Қазақстанда 17 өңір бар: 14 облыс және республикалық маңызы бар үш қала — Нұр-Сұлтан, Алматы және Шымкент.
Жалпы, елде пандемия басталғаннан бері COVID-19 — дың 309 мың 116 жағдайы расталды және 2020 жылдың тамыз айының басынан бастап коронавирустың клиникалық көріністері бар, бірақ ПТР нәтижесі теріс пневмонияның 52 мың 469 жағдайы тіркелді. Жоғарыда аталған аурулардан 4 мың 345 адам қайтыс болды.
Қазақстан халқы 18,9 млн адамнан асады.
