Түркияда тәулігіне 40 мыңнан астам адам дертке шалдықты

Соңғы тәулікте түрік дәрігерлері коронавирустың 40 444 жағдайын тіркеді, 341 науқас қайтыс болды,- деп жазады RT сол елдің денсаулық сақтау министрлігіне сілтеме жасап.

Бұған дейін Түркия Президенті Режеп Тайып Ердоған республикада 29 сәуір мен 17 мамыр аралығында локдаун енгізген болатын.

Түркияда COVID-19 -бен сырқаттанғандардың саны тәулігіне максималды көрсеткішпен16 сәуірде тіркелді. 63 082 адам жаман дертті жұқтырған.