ӘЧ: Хоккейден Қазақстан құрамасы алғашқы матчын бүгін өткізеді

Біздің команданың қарсыласы алаң иелері — Латвия құрамасы болады. Хоккей ойыны "Арена-Рига" стадионында болады, Нұр-Сұлтан уақытымен сағат 23.15-те басталады, деп хабарлайды "Экспресс К"

Қазақстан құрамасы В тобында ойнайды, оған Латвиядан басқа АҚШ, Канада, Финляндия, Германия, Норвегия, Италия құрама командалары енген.

Еліміздің хоккей федерациясының Instagram парақшасында Қазақстан құрамасының сапында 28 ойыншы бар екендігі жазылған. Олар: 3 қақпашы, 9 қорғаушы және 16 шабуылдаушы.

Финляндия құрамасының бұрынғы бас менеджері Джари Курридің айтуынша, Қазақстан құрамасының әлеуеті басым. Егер жақсы ойын көрсететін болса жанкүйерлерді әбден таңғалдыра алады,- деп ойын білдірген болатын.