Қазақстанда күн 40 градусқа дейін ысиды

Express Qazaqstan

pixabay,com

Синоптиктер 25-27 мамырға арналған Қазақстандағы ауа райы болжамын жариялады, деп хабарлайды "Экспресс К" Egemen.kz сілтеме жасап.

25-26 мамырда Қазақстан аумағында нағыз жазғы ауа райы басталады.

"Оңтүстіктен ойысқан жылы және құрғақ ауа массалары елімізде аптап ыстық пен құрғақшылықтың орын алуына түрткі болады. Еліміздің батысында 30 ... 39 ° С аптап ыстық күтіледі, тіпті солтүстік жарты бөлікте де күндізгі уақытта сынап бағаны 32 ... 38 ° С көрсетеді. Бірақ республикамыздың оңтүстік және шығыс жарты бөлігі де қалыс қалайын деп тұрған жоқ, сынап бағаны қарқынды жылдамдықпен көтеріліп, оңтүстікте 30 ... 40 ° С, шығыста 30 ... 36 ° С дейін аптап ыстық болады", деп хабарлады "Қазгидромет" РМК.

Алайда, 27 мамырдан бастап Батыс Еуропа аймақтарынан антициклон батысқа, сосын солтүстік аймақтарға ығысып келеді. Суық солтүстік ауа ағыны батыс облыстарда температураның айтарлықтай төмендеуіне, яғни 25 ... 33 ° С дейін, солтүстікте 18 ... 28 ° С дейін алып келеді.

Ұсынамыз

Пиксель для количества просмотров