Жоғалған жеті адам іздестіріліп жатыр

Экспресс К

ТЖД

Түркістан облысының құтқарушылары Төлеби ауданындағы Сайрам-Өгем мемлекеттік ұлттық табиғи паркінің аумағында жоғалған 7 адамды іздестіру жұмыстарын жүргізуде.

Олардың жоғалғаны туралы хабарлама 112 пультіне 2021 жылғы 25 мамырда сағат 18:30-да келіп түсті. 21 мамырда туристер "Сары-Айғыр" шатқалына жаяу бет алды. Құтқарушыларға хабарласқан адамның айтуынша, олар 24 мамырда үйге оралуы керек еді, деп хабарлайды "Экспресс К". Бұл жағдайды ҚР ТЖМ ресми өкілі Талғат Уәли баяндады.

ТЖДТЖД
ТЖД

Оның айтуынша, өткен тәулікте іздестіру топтары 37 шақырымға жуық таулы аймақты жаяу аралады. Екі пилотсыз ұшу аппараты арқылы 4 шақырым радиуста ұшу жүргізілді.

Іздестіру жұмыстарына Түркістан облысы ТЖ департаментіің 25 құтқарушысы, 2 квадракоптері және 7 техникасы жұмылдырылды. Сондай-ақ, полиция департаментінің 4 қызметкері мен 1 техникасы, жергілікті атқарушы органдардың 2 қызметкері мен 1 техникасы, ҰҚК Шекара қызметінің 3 ат патрулі, ұлттық парктің 10 қызметкері мен жоғалғандардың туыстары іздестіруге атсалысуда.

ТЖДТЖД
ТЖД

Ауа райының қолайсыздығына (тұман, ала бұлт, таулы жерлердегі найзағай) байланысты "Қазавиақұтқару" АҚ тікұшағын Шымкент қаласынан әуеге көтеру мүмкін емес.

    Ұсынамыз

    Пиксель для количества просмотров