ҰБТ-2021: 224 түлек ҰБТ тапсыру мүмкіндігінен айырылды

Экспресс К

©ЭК/Алимжан БАРАНГУЛОВ

Тестілеу ережелерін бұзғаны үшін аудиториядан 563 адам шығарылып, олардың тестілеу нәтижелері жойылды, деп БҒМ баспасөз қызметіне сілтеме жасап ЭК хабарлайды.

Қазіргі таңда 123 мыңнан астам талапкер 51 тестілеу пунктінде ҰБТ тапсырды. Оның ішінде 92 458 түлек тестілеуді қазақ тілінде, 30 967 — орыс тілінде, 263 — ағылшын тілінде тапсырды. ҰБТ тапсыруға ниет білдірген талапкерлердің 96 %-ы қатысты. Ең жоғары балл — 140.

224 түлек тестілеуге кіргізу кезінде аудиторияға тыйым салынған заттарды алып кіруге тырысқаны үшін ҰБТ тапсыру мүмкіндігінен айырылды. Тестілеу ережелерін бұзғаны үшін аудиториядан 563 адам шығарылып, олардың тестілеу нәтижелері жойылды,

делінген хабарламада.

БҒМ Ұлттық тестілеу орталығы талапкерлерді тек өз күштеріне сеніп, академиялық адалдық ережелерін мүлтіксіз сақтауға шақырады. Сондай-ақ әрбір тестіленушінің қимыл-қозғалысы ахуалдық орталықта "бір тестіленуші — бір камера" қағидаты бойынша бақыланатынын ескертеді.

Тестілеуге кіргізу кезінде тоғыз түлектің дене қызуы көтерілген. Бұл түлектер ҰБТ-ны басқа күні бөлек тапсырады.

    Ұсынамыз

    Пиксель для количества просмотров