ЛГБТ шеруіне шыққандарды жүк көлігі соғып кетті

ЛГБТ шеруі 19 маусым күні Stonewall Pride фестивалі аясында Уилтон-Мэнорс қаласында өткен болатын. Шерушілердің қасынан өтіп бара жатқан жүк көлігі жылдамдығын бірден арттырып, адамдарды қаққан. Бір адам қаза тауып, екіншісі хал үстінде жатыр деп жазады Reuters ақпарат агенттігі.

Зардап шеккен тағы бір адамның жағдайы қалыпты. Шерушілерді қаққан жүк көлігі қақпаға соғылып барып әрең тоқтаған. Көлік жүргізушісі қамауға алынды.

Қазіргі таңда оқыс оқиғаның ақ-қарасы анықталып жатыр. Алайда қала мэрі мұны ЛГБТ қауымдастығына жасалған қастандық деп баға беріп үлгерді. Жол апатынан кейін көшедегі шеру тоқтатылып, фестиваль қайта жалғасқан.