Фоторепортаж: Атырауда MFC-тан халықаралық турнир өтті

Фархат ӘБІЛОВ

© Фархат АБИЛОВ

Атырауда халықаралық MFC (Mergen fighting Championship) турнирі өтіп, Қуат Хамитов қарсыласын техникалық нокаутпен жеңді, деп жазады ЭК.

© Фархат АБИЛОВ© Фархат АБИЛОВ
© Фархат АБИЛОВ

Атырауда өткен халықаралық турнирде Өзбекстан, Ресей, Грузия, Украина, Қырғызстан және Қазақстаннан 22 спортшы бақ сынады.

Алғаш болып жекпе-жекке шыққан атыраулық Жансерік Жақсылықұлы қарсыласын техникалық нокаутпен жеңсе, отандасымыз Нұрбек Отар ресейлік қарсыласын уақытынан бұрын ұтып, жергілікті спортшы Сиражев Бердібек өзбекстандық қарсыласынан басым түсті.

© Фархат АБИЛОВ© Фархат АБИЛОВ
© Фархат АБИЛОВ

тағы да бір Атыраулық спортшы Шыңғыс Қамалов өзбекстандық Исломбек Хакимжоновқа бірнеше нақты соққы жасап, тізе бүктірсе, Муай-тайдан Әлем чемпионатының жүлдегері, Халықаралық дәрежедегі спорт шебері Ищан Галиев өзінің аралас жекпе-жектен кәсіпқойлар арасындағы алғашқы жекпе-жегінде жеңіске жетті.

— Мені баптаған әкем мен бапкерлеріме, қолдаушыларыма алғысымды айтамын. Жарысқа өте жоғары деңгейде дайындалдым. Алдағы уақытта да жанкүйерлерімнің сенімін ақтаймын,

деді Ищан Галиев.

© Фархат АБИЛОВ© Фархат АБИЛОВ
© Фархат АБИЛОВ

Муай-Тайдан бүкіләлемдік ойындардың чемпионы, Халықаралық дәрежедегі спорт шебері Еламан Саясатов кәсіпқой аралас жекпе-жегіндегі алғашқы кездесуінде грузиялық қарсыласын екінші раундта техникалық нокаутпен ұтты.

© Фархат АБИЛОВ© Фархат АБИЛОВ
© Фархат АБИЛОВ

MFC турнирінің соңғы нүктесін елімізге белгілі жауынгер Қуат Хамитов қойды. Ол украиналық Роман Головинді техникалық нокаутпен ұтып, жеңіс тұғырынан көрінді.

© Фархат АБИЛОВ© Фархат АБИЛОВ
© Фархат АБИЛОВ

    Ұсынамыз

    Пиксель для количества просмотров