Бішкекте мейрамханалардың 23.00-ден кейін де жұмыс істеуіне рұқсат етілді
Pixabay
Шешім төтенше комиссияның отырысында қабылданды. Бұл туралы қаланың вице-мэрі Виктория Мозгачева мәлімдеді, - деп хабарлайды ЭК 24.kg сайтына сілтеме жасап.
Айта кетейік, 17 маусымнан бастап Қырғызстан астанасында ресторан, кафе, түнгі клуб, көңіл көтеру орталықтарының 23.00-07.00 аралығында жұмыс істеуіне шектеу қойылған еді. Бішкектің вице-мэрі Виктория Мозгачева қоғамдық тамақтану орындарының басшыларын санитарлық талаптарды сақтауға шақырып, ереже бұзғандарға қатаң шара қолданылатынын ескерткен болатын.
Бүгін Қырғызстанда COVID-19 белгісі бар 931 науқас анықталған. Оның 435-і — Бішкек тұрғындары. Науқастардың көбеюіне байланысты қалада жедел жәрдем көмегіне сұраныс 10% артқан.
