Елордада жасөспірім көпқабатты тұрғын үйдің терезесінен секіріп кетті

Шадияр ӨСТЕМІРҰЛЫ

instagram.com / zhaloby_astana

Нұр-Сұлтанда кәмелет жасына толмаған бала көпқабатты үйдің терезесінен секіріп көз жұмды, деп хабарлайды ЭК.

Сол маңның тұрғындарының айтуынша, жөсөспірім әке-шешесінің ажырасуына көндіге алмаған.

Қайғылы жағдай Тілендиев даңғылының бойында маусымның 22-інен 23-іне қараған түні болған. Суицид куәгерлері оқиға орнынан түсірілген фотосуреттерді әлеуметтік желіге жүктеді.

"Түнгі үште осындай хабар естідік. Адамдар әлеуметтік тұрғын үйлерден секіріп, құлап жатыр", — деп жазба қалдырды марқұмның көршілерінің бірі Instagram-ның zhaloby_astana тобында.

Қалалық Денсаулық сақтау басқармасы баспасөз қызметінің хабарлауынша, жедел жәрдем келгенше жасөспірім көз жұмған.

Көршілерінің айтуынша, 17 жастағы бозбаланың суицид жасауына ата-анасының ажырасып кеткені түрткі болған көрінеді.

    Ұсынамыз

    Пиксель для количества просмотров